Բաքուն Երևանի հետ խաղաղ բանակցությունների շուտափույթ վերսկսման հույս ունի. Ամիրբեկով
Արտաքին Քաղաքական
Բաքուն հույս ունի շուտով Երևանի հետ բանակցությունների ևս մեկ փուլ անցկացնել խաղաղության պայմանագրի նախագծի շուրջ, ասել է Ադրբեջանի նախագահի հատուկ հանձնարարությունների գծով ներկայացուցիչ Էլչին Ամիրբեկովը, գրում է Interfax-ը։
Նրա խոսքով, վերջին վեց ամիսների ընթացքում բանակցություններ չեն վարվել տարբեր պատճառներով, «քանի որ կողմերը հարցեր ունեին, այսպես կոչված, միջնորդների, այսինքն՝ բանակցություններին նպաստող կողմերի համար»։
«Մենք հուսով ենք, որ շուտով տեղի կունենա բանակցությունների հաջորդ փուլը, և կվերսկսվի խաղաղ համաձայնագրի նախագծի քննարկումը, որը, ի դեպ, կազմվել է Ադրբեջանի կողմից և առաջին անգամ ներկայացրել Հայաստանին ընդամենը մեկ տարի առաջ»,-ասել է Ամիրբեկովը Էստոնիայի հանրային հեռուստատեսությանը տված հարցազրույցում։
Ադրբեջանի նախագահի ներկայացուցիչը նշել է, որ «երկու կողմերի միջև համաձայնագրի տեքստի վերաբերյալ ֆիզիկական բանակցությունների բացակայության պայմաններում նախագծերի փոխանակումը շարունակվում է»:
Եկել է խաղաղության պայմանագիր կնքելու ժամանակը, որպեսզի օրինականորեն ֆորմալացվի պատերազմի ավարտը։ Միգուցե դա անհրաժեշտ պայմաններ կստեղծի երկու պետությունների խաղաղ գոյակցության համար, միգուցե դառնանք լավ հարևաններ»,- ասել է Ամիրբեկովը։
ՈՒՂԻՂ ԵԹԵՐ
Ամենադիտված 
Մահացել է բժիշկ Տիգրան Վարդանյանը
