Աբովյանում ծայրահեղ ծանր վիճակում գտնվող 2-ամյա տղան տեղափոխվել է «Սուրբ Աստվածամայր» ԲԿ

Այսօր՝ հունվարի 6-ին, արտակարգ դեպք է տեղի ունեցել Կոտայքի մարզում։ Ժամը 13։30-ի սահմաններում ՀՀ ներքին գործերի նախարարության ոստիկանության Պարեկային ծառայության Կոտայքի մարզի գումարտակի 2-րդ վաշտի 1-ին դասակի պարեկներ Վահան Թորոսյանն ու Ջուլիետտա Առուշանյանը Երևան-Սևան ավտոճանապարհի Աբովյանի վարչական տարածքում ծառայություն կատարելիս են լինում, երբ նրանց են մոտենում մի կին, մի տղա, կնոջ գրկում էլ երեխա ու խնդրում են պարեկներին, որպեսզի իրենց և երեխային շտապ հասցնեն մոտակա մանկական հիվանդանոցներից մեկը։

Ինչպես հայտնում է ֆոտոլրագրող Գագիկ Շամշյանը, քանի որ, «Աբովյան» բժշկական կենտրոնում մանկական բաժանմունք չունեն, պարեկները իրենց ծառայողական ավտոմեքենայով ամուսիններին ու երեխային տեղափոխում են Երևանի «Սուրբ Աստվածամայր» բժշկական կենտրոն, որտեղ էլ բժիշկները տեսնելով երեխայի վիճակը նրան շտապ տեղափոխում են վերակենդանացման բաժանմունք։

Առավել մանրամասն սկզբնաղբյուր կայքում։