Samsung-ը և LG-ն թափանցիկ էկրանով հեռուստացույց են ներկայացրել (լուսանկարներ, տեսանյութ)
Տեսանյութեր2024 թվականի հունվարի 8-ին Samsung-ը և LG-ն CES ներկայացրել են հեռուստացույցների և մոնիտորների թափանցիկ էկրանների աշխատանքային տարբերակները, հաղորդում են միջազգային ԶԼՄ-ները։
Samsung-ը ներկայացրել է MicroLED տեխնոլոգիայով թափանցիկ էկրանը։ Ցուցասարքի աշխատանքային տարբերակն ունի մոտավորապես 1 սմ հաստություն և առանց շրջանակի դիզայն, ինչպես նաև կարող է պատկերները ցուցադրել հստակ և հարուստ գույներով: Samsung-ը բացատրել է, որ թափանցիկ MicroLED էկրաններն ավելի պայծառ են, քան թափանցիկ OLED էկրանները, և ավելի քիչ են ազդվում շրջակա միջավայրի լույսից: Ընկերությունը ցուցադրել է երկու դիսփլեյ՝ հետևի մասում մգեցված ապակիներով և լիովին թափանցիկ։
LG-ն ներկայացրել է թափանցիկ OLED էկրանով OLED Signature T հեռուստացույցի աշխատանքային տարբերակը: Սա 77 դյույմանոց դիզայն է, որը ներկառուցված է հատուկ այս լուծման համար ստեղծված կահույքի մեջ: LG-ն դեռ չի որոշել՝ արդյո՞ք թափանցիկ հեռուստացույցը կներառվի կահույքի մեջ, թե՞ նախատեսում է վաճառել դրանք առանձին։
LG-ն մտադիր է Signature OLED T-ը շուկա դուրս բերել 2024 թվականին, սակայն դեռ չի նշել հեռուստացույցի կոնկրետ արժեքը։
Ամենադիտված 
ՀՀ ՊՆ–ն հայտարարություն է տարածել
