Կանադացի ռեփերը ցմահ ազատազրկման է դատապարտվել երգի պատճառով (տեսանյութ)

Կանադացի ռեփեր Tyrell Hieu Ջորջ Մահոնի Նգուենը, ով հանդես է գալիս T-Sav բեմական անունով, օգտագործել է իր գանգստերական փորձը երաժշտություն ստեղծելու համար։ Այս եզրակացությանն է հանգել Կանադայի Բրիտանական Կոլումբիա նահանգի դատարանը, որը վճիռ է կայացրել, ըստ որի Թայրել Նգուենն այլևս երբեք «Գրեմմի» չի ստանա, քանի որ իր ողջ կյանքը կանցկացնի բանտում։

Բրիտանական Կոլումբիայի Գերագույն դատարանի դատավորը պարզել է, որ Նգուենի երգերից մեկը, ըստ էության, 2017 թվականին գանգստեր Ռանդիփ (Ռենդի) Քանգի սպանության քողարկված խոստովանություն է, և Նգուենին դատապարտել է երկու ցմահ ազատազրկման, որոնք նա կկրի միաժամանակ:

Երաժշտական ​​տեսահոլովակը, ինչպես նաև հիմնական ոստիկան վկայի ցուցմունքը այն ապացույցների մի մասն է, որը դատավոր Միրիամ Գրոպերին համոզել է, որ Նգուենը մեղավոր է երկու տղամարդկանց՝ Կանգի և համալսարանի ուսանող Ջագվիր Սինգհ Մալհիի սպանության մեջ:

Գրոպերը 24-ամյա երիտասարդին մեղավոր է ճանաչել նաև Քանգի եղբոր՝ Գարիի և նրա հանցակից Կամիլո Ալոնսոյի նկատմամբ սպանության փորձի մեջ։ Երկուսն էլ ողջ են մնացել այն հարձակման ժամանակ, երբ Ռանդիփ Քանգը գնդակահարվել է:

Նգուենը, որը հայտնի է նաև Թայրել Քուեսնել անունով, կրծքին ունի «Եղբայրների պահապանը» դաջվածքը: Լրատվամիջոցները պնդում են, որ խմբավորման մեջ նա վարձու մարդասպանի դեր է կատարել։

Նգուենի «My Life» երաժշտական ​​տեսահոլովակը, որը նա տեղադրել է YouTube-ում, պարունակում է բառեր, որոնք, դատախազների կարծիքով, հստակ հղումներ են Քանգի սպանությանը: