Կա՞ մի բան, որ պատրաստ եք չզիջել և կա՞ մի բան, որ պատրաստ է զիջել Ալիևը. Գրիգորյանը՝ Փաշինյանին

Նախընտրական խոստումներում նշվում էր «անջատում հանուն փրկության» թեզի մասին, իսկ բանակցություններում այս կառավարությունը որդեգրել էր «հանձնենք Արցախը, ստանանք կադաստրի վկայական, ապահովենք 29800-ը»: Այս մասին այսօր՝ հունվարի 17-ին, ԱԺ-ում հարցուպատասխանի ժամանակ նշեց «Հայաստան» խմբակցության պատգամավոր Աննա Գրիգորյանը:

Նա, դիմելով Նիկոլ Փաշինյանին, ասաց. «Զոհաբերեցիք Արցախը, ադրբեջանական ուժերը շարունակում են մնալ Ջերմուկում, Ներքին Հանդում եւ մնացած օկուպացված հատվածներում: Հետո էլ ասում էիք՝ խաղաղությունը շատ մոտ է, հիմա կգնանք, կկնքենք պայմանագիր, նաեւ ասում էիք՝ երեք սկզբունքների շուրջ ձեռք եք բերել համաձայնություն՝ տարածքային ամբողջականություն, սահմանազատման մասին սկզբունքներ եւ կոմունիկացիաների ապաշրջափակում: Բայց հիմա Ալիեւն ասում է՝ որտեղ կանգնել եմ, ընդհանրապես չեմ պատրաստվում դուրս գալ: Ալիեւը պահանջներ է ներկայացնում, որեւէ կետում զիջման չի գնում, դուք բոլոր այն հարցերը, որոնք համարում էիք կարմիր գիծ, բոլորը զիջել եք: Սահմանազատման շուրջ որեւէ սկզբունքի վերաբերյալ համաձայնություն չկա, ապաշրջափակման մասին խոսք չկա: Դուք զիջում եք ամեն ինչ, Ալիեւը չի զիջում ոչինչ: Ցույց տվեք մի կետ, որտեղ պատրաստ եք մինչեւ վերջ կանգնել ու չզիջել, եւ ցույց տվեք մի կետ, որտեղ Ալիեւը պատրաստ է գնալ զիջման»:

Մանրամասները՝ տեսանյութում։