Արցախում փակված սրճարանը նոր հասցե ունի՝ արդեն Երևանում (տեսանյութ)

Արցախի մայրաքաղաքում փակված վերջին սրճարանը՝ Թումանյան'ս ART-ը,  վերաբացվել է Երևանում՝ Մոսկովյան 6/7 հասցեում։

Քրիստին եւ Վադիմ Բալայանները NEWS.am-ի հետ զրույցում պատմեցին, որ Երևանում վերաբացման հետ կապված շատ խնդիրներ են ստիպված եղել հաղթահարել։

Դեռևս Ստեփանակերտում գործելու ժամանակ Բալայան ամուսինները սրճարանից և այնտեղ կազմակերպվող ցուցահանդեսներից ստացած ամբողջ հասույթով աջակցում էին հատուկ կարիքներ ունեցող երեխաներին: Երեւանում գործող սրճարանը, նրանց խոսքով, նույն նպատակներն է ունենալու։ Եկամտի 20 տոկոսը ծախսելու են բարեգործական նպատակներով. տրամադրելու են Արցախից բռնագաղթված ընտանիքների երեխաներին։ Դեռ մեկ ամիս է, ինչ բացել են սրճարանի դռները, արդեն մեկ ցուցահանդես են կազմակերպել:

«Վիկտորյա Չիտունիիի նկարների վաճառքից ստացված եկամուտը գնում է Արցախից տեղահանվածների հիմնադրամ»,–  պատմեց  Քրիստին Բալայանը:

Մանրամասները՝ տեսանյութում։