Չերչիլի ատամների պրոթեզն աճուրդի է հանվել (լուսանկար)

Մեծ Բրիտանիայի վարչապետ Ուինսթոն Չերչիլի ատամների պրոթեզը աճուրդի է հանվել Մեծ Բրիտանիայում։ 

«Չերչիլի ատամների պրոթեզը, թերևս, ամենաարտասովոր իրերից է, որ երբևէ վաճառել ենք», - ասել է «The Cotswold Auction» ընկերության ղեկավար Լիզ Փուլը, որին մեջբերում է The Guardian-ը: Աճուրդը կկայանա Չելթենհեմում փետրվարի 6-ին:

Այս պրոթեզը Չերչիլը կրել է 1940 թվականի հունիսի 4-ին բրիտանական խորհրդարանում իր՝ «Մենք կռվելու ենք լողափերում» ելույթի ժամանակ։