Անթալիայի լողափերում 9 դի է հայտնաբերվել

Թուրքիայի Անթալիա նահանգի լողափերին երկուշաբթի օրը ևս երկու դի է հայտնվել․ հայտնաբերված դիակների ընդհանուր թիվը հասել է 9-ի, գրում է Hürriyet թերթը։

«Անթալիայի նահանգի Քադրիյե թաղամասի հյուրանոցներից մեկի լողափում՝ միմյանցից 500 մետր հեռավորության վրա, երկու դի է հայտնաբերվել»,- գրում է հրատարակությունը։ Զոհերի սեռը չի հաջողվել պարզել, դիերն ուղարկվել են դատաբժշկական փորձաքննության։

Նախորդ շաբաթ Անթալիայի նահանգի լողափերում հայտնաբերվել էր առնվազն վեց դի, որոնցից մի քանիսն անդամահատված վիճակում: Դիերն ուղարկվել են դատաբժշկական փորձաքննության՝ ինքնությունն ու մահվան հանգամանքները պարզելու համար։ Լրատվամիջոցները նշել են, որ դիերից մեկը կարող է պատկանել ուսանողուհի Մերվե Ալմասին, ով անհետացել էր գրեթե երկու շաբաթ առաջ։

Նշվում է, որ նրանք կարող են լինել 2023 թվականի դեկտեմբերին միգրանտներ տեղափոխող նավակի վթարի զոհերը։