Հրապարակվել են Ալմաթիում երկրաշարժի տեսագրության կադրերը
ՏեսանյութերՀամացանցում տեսանյութ է հայտնվել, որտեղ երևում են Ալմաթիում ստորգետնյա ցնցումները։ Այն տևում է մեկ րոպեից ավելի: Կադրերը ֆիքսել են Գորնի Գիգանտ միկրոշրջանում մասնավոր հատվածում տեղադրված տեսահսկման տեսախցիկը։
Ինչպես հայտնել ենք, Ալմաթիում մեկ գիշերվա ընթացքում երկու երկրաշարժ է գրանցվել։
Ալմաթիի բնակիչները հունվարի 23-ին՝ ժամը 00:09-ին, ուժեղ երկրաշարժ են զգացել։ Երկրաշարժի էպիկենտրոնը գտնվել է Ղրղզստանում՝ Ալմաթիից 264 կմ հեռավորության վրա։ Ալմաթիում երկրաշարժի ուժգնությունը կազմել է հինգ բալ։ Բնակիչները դուրս են եկել փողոց, իսկ ճանապարհներին խցանումներ են գոյացել։ Քաղաքում ազդանշաններ չեն հնչել։
Մի քանի րոպե անց բնակիչները հերթական ցնցումն են զգացել, բայց ոչ այնքան ուժեղ։ Ավելի ուշ Արտակարգ իրավիճակների նախարարությունը հայտնել է, որ Ալմաթիից բացի՝ ցնցումներ են զգացվել Աստանայում, Արևելյան Ղազախստանում, Ժամբիլում, Ժետիսու և Կարագանդայի շրջաններում։
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
