«Ձմեռ պապիները» կողոպտել են գրավատունը

Նովոսիբիրսկում սանտա–կլաուսների հագուստներով հանցագործները գրավատունից մոտ հինգ միլիոն ռուբլի գումար են կողոպտել։ Այս մասին հաղորդում է «Ինտերֆաքս»–ը՝ հղում անելով ներքին գործերի դաշնային գործակալության մամլո ծառայությանը։

Դեկտեմբերի 28-ի երեկոյան երեք երիտասարդներ սանտա–կլաուսի հագուստներով Կալինին թաղամասում գտնվող գրավատուն են ներխուժել՝ աշխատակցից պահանջելով գումար։ Հանցագործները գողացել են մոտ հինգ միլիոն ռուբլի։ Գրավատան աշխատակիցը չի տուժել։