Փաշինյանն ասում է՝ հույս չկա, կա՛մ պատերազմ է, կա՛մ կապիտուլացվում ենք Ալիևի առջև․ Աննա Գրիգորյան

Ընդդիմադիր պատգամավոր Աննա Գրիգորյանն այսօր ԱԺ-ում լրագրողների հետ ճեպազրույցի ընթացքում անդրադարձել է ադրբեջանական վերջին հարձակման առնչությամբ ՀՀ վարչապետ Նիկոլ Փաշինյանի հայտարարություններին․

«Նիկոլ Փաշինյանն այսօր արձանագրում է, որ խաղաղության դարաշրջանն ավարտված է, ինքը պետք է լուծումներ առաջարկեր, պետք է բանակցային պրոցեսում մեր շահերն առաջ տաներ, որպեսզի այս իրավիճակում չհայտնվեինք, բայց այսօր գալիս, կանգնում է մեր ժողովրդի առաջ, ասում է՝ «հույս չկա, կա՛մ պատերազմ է, կա՛մ ուղղակի կապիտուլացվում ենք Ալիևի առջև»։

Պատգամավորը նաև պատասխանել է լրագրողների՝ ՀՀ-ի և Ադրբեջանի միջև սահմանազատման և սահմանագծման աշխատանքների վերաբերյալ հարցերին․

«Ալիևը պատերազմից հետո առաջ է եկել, ասում է՝ այս սահմանն իմն է, հաջորդ փուլում էլի առաջ գա, ասելու է՝ հիմա էս սահմանն է իմը, հետո փորձելու է թղթաբանական արգումենտացիաներ բերել, ասելու է՝ տեսեք, էս թղթով էս տարածքն իմն է»։ 

Գրիգորյանի պնդմամբ՝ քանի վստահություն չունենք, որ Ալիևը դուրս է գալու ՀՀ ինքնիշխան տարածքներից, որևէ պրոցես սկսելը անիմաստ գործընթաց է։