Փաշինյանն ասում է՝ Ալիև, սա է ճշմարտությունը և վերջացավ. դու պետք է հետ քաշվես, ուզես-չուզես. ՔՊ–ական պատգամավոր (տեսանյութ)

«Ինձ հասած տեղեկություններով՝ պատժիչ  գործողություններ մեր կողմից պետք չեն, որովհետեւ հիմա մենք չենք ուզում լայնածավալ կռվի մեջ ներքաշվել:  Ինչքան ես գիտեմ՝ մեղավորությունը մերոնց կողմն է եղել»,– այս մասին NEWS.am-ի հետ զրույցում հայտարարել է ԱԺ ՔՊ խմբակցության պատգամավոր Հակոբ Ասլանյանը։

«Ես խոսել եմ Ներքին Հանդի տղաների հետ, մերոնց կողմից է եղել առաջին խախտումը: Կրակոց է եղել եւ նրանք զոհ են տվել: Հիմա ոչ մի դեպքում չի կարելի գնալ սրացման: Մեզ 1-1,5 տարի եւս անհրաժեշտ է, որ ամբողջությամբ կարողանանք մեջքներս ուղղել, եւ թուրքի հետ ուրիշ ձեւով կխոսենք: Թեկուզ վարչապետի վերջին արտահայտությունների մեջ դուք պետք է տեսնեք, որ նա կոնկրետ հստակ եւ նախանշված ասում է՝ Ալիեւ, սա է ճշմարտությունը եւ վերջացավ, գնաց, դու պետք է հետ քաշվես, ուզես-չուզես, պետք է լինի այնպես, ինչպես իմ ժողովուրդն է ուզում»,– ասել է նա:

Մանրամասները՝ տեսանյութում։