Ռուսաստանը չի վճարում Ղրղզստանին ռազմաբազաների համար
Ռուսաստան
Ղրղզստանի նախագահ Ալմազբեկ Աթամբաևը հայտարարել է, որ չնայած Ռուսաստանը շարունակում է մնալ Ղրղզստանի կարեւորագույն ռազմավարական գործընկերը, սակայն արդեն չորս տարի է, ինչ չի վճարում իր տարածքում ռուսական ռազմաբազաների վարձավճարը:
«2007 թվականից Ռուսաստանը չի վճարել Ղրղզստանում ռուսական ռազմաբազաների տեղակայման վարձավճարը»,– նախագահի խոսքերը մեջբերել է «Ռիա Նովոստի»-ն։
Ղրղզստանում տեղակայված է չորս ռուսական ռազմաբազա, ինչպես նաև քաղաք Կանտում գտնվող ռուսական ավիաբազան։
«Ինչ վերաբերում է Ղրղզստանում գտնվող ԱՄՆ ռազմակայանին, նրա ներկայությունը վտանգավոր է մեր երկրի համար»,– ասել է Աթամբաևը։
Ըստ Աթամբաևի՝ Ղրղզստանը կարող է Իրանի կողմից հարձակման ենթարկվել, քանի որ մայրաքաղաքի օդանավակայանը ԱՄՆ–ի համար տրանզիտ չվերթներ է ապահովում։ «Այդ իսկ պատճառով մենք պատրաստվում ենք ազատվել ԱՄՆ–ի ռազմական ներկայությունից մինչև 2014 թվականը»,– ասել է Ղրղզստանի նախագահը։
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
