ՀՀ իշխանությունների «ռազմավարական» սիլիբիլին Լոնդոնի հետ պարզապես զզվելի է․ Արմեն Այվազյան

Պարզվում է, 2023 թ. նոյեմբերին, այսինքն՝ Արցախի հայաթափումից ընդամենը մեկուկես ամիս անց Մեծ Բրիտանիայի ԱԳՆ-ի և բիզնեսի նախարարության պաշտոնյաները առցանց հանդիպում են անցկացրել բրիտանացի բիզնես առաջնորդների հետ՝ խրախուսելով նրանց ընկերություններին օգտվել առաջացած «մեծ հնարավորությունից» և աջակցել Ադրբեջանի նախագահ Իլհամ Ալիևի Ղարաբաղի «վերակառուցման» օրակարգին:

 

Այս հոդվածում «Global Witness» բրիտանական կազմակերպության պատասխանատու պաշտոնյաներից մեկը խստորեն քննադատում է ինչպես Մեծ Բրիտանիայի կառավարությանը, այնպես էլ «Բրիթիշ Փեթրոլիում» ընկերությանն հայերի էթնիկ զտումներին աջակցելու և Ադրբեջանին ֆինանսավորելու համար։

 

Նա, մասնավորապես, ասել է. «Մեծ Բրիտանիայի կառավարությունը փակ դռների հետևում Ադրբեջանի կողմից Լեռնային Ղարաբաղի էթնիկ զտումները «մեծ հնարավորություն» է անվանում: Ո՞ր դարում են ապրում այս պաշտոնյաները։ Դա մեծ հնարավորություն չէ ո՛չ Մեծ Բրիտանիայի, ո՛չ էլ տեղահանված (հայ) ժողովրդի համար»:

 

Մեզ համար, իհարկե, Մեծ Բրիտանիայի քաղաքականությունը Հայկական հարցում նորություն չէ։ Բայց ՀՀ իշխանությունների «ռազմավարական» սիլիբիլին Լոնդոնի հետ պարզապես զզվելի է»։