Ամերիկյան Nova-C տիեզերանավը վայրէջք է կատարել Լուսնի վրա (տեսանյութ)

Ամերիկյան Nova-C տիեզերանավը, որը նաև կոչվում է Odysseus, հասել է Լուսնի մակերևույթին, X սոցցանցում հայտնում է ԱՄՆ Օդագնացության և տիեզերական տարածության ուսումնասիրության ազգային վարչությունը (NASA), փոխանցում են միջազգային ԶԼՄ-ները:

Intuitive Machines մասնավոր ընկերության տիեզերանավը վայրէջք է կատարել տեղական ժամանակով 18:23-ին (Երևանի ժամանակով՝ 03:23-ին): Ընկերությունը չի ցուցադրել վայրէջքի կադրերը՝ սահմանափակվելով սիմուլյացիայի ցուցադրմամբ։

Տիեզերանավը արձակվել է փետրվարի 15-ին (գործարկումը մեկ օրով հետաձգվել է տեխնիկական խնդրի պատճառով)՝ Ֆլորիդայում ՆԱՍԱ-ի՝ Քենեդու տիեզերական կենտրոնից, և լուսնային ուղեծիր է մտել փետրվարի 21-ին։ Սա ԱՄՆ պատմության մեջ առաջին կոմերցիոն վայրէջքն է Լուսնի վրա, նշում է ABC News-ը։