Պուտինը ՀԱՊԿ-ի մասին Փաշինյանի հայտարարությունից հետո չի շփվվել նրա հետ. Պեսկով
Արտաքին Քաղաքական
Ռուսաստանի նախագահ Վլադիմիր Պուտինը դեռևս չի շփվել Հայաստանի վարչապետ Նիկոլ Փաշինյանի հետ Հավաքական անվտանգության պայմանագրի կազմակերպությանը Երևանի անդամակցությունը կասեցնելու մասին նրա հայտարարությունից հետո։ Այս մասին փետրվարի 23-ին հայտնել է ՌԴ ղեկավարի մամուլի քարտուղար Դմիտրի Պեսկովը, գրում է Regnum-ը։
«Պուտինը չի շփվել Փաշինյանի հետ ՀԱՊԿ-ին անդամակցությունը սառեցնելու մասին նրա խոսքերից հետո»,-ասել է Պեձսկովը։
Կրեմլի պաշտոնյան հավելել է, որ պետության ղեկավարը նման շփումներ չի նախատեսում։
«Այս պահին շփումներ չկան և չեն եղել», - ընդգծել է Պեսկովը։
Նա հավելել է, որ Մոսկվան աշխատանքային շփումների շրջանակում մտադիր է հայ գործընկերներից պարզել, թե ինչի մասին է խոսքը։
«Ուստի մենք կշարունակենք մեր երկխոսությունը Երևանի հետ»,- ասել է ՌԴ նախագահի մամուլի քարտուղարը։
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
