Հայաստանից փորձել են մոտ 2 կգ ոսկի տեղափոխել Վրաստան

Հայ-վրացական սահմանով` Բագրատաշենի անցակետով, Հայաստանից փորձել են մոտ 2 կգ ոսկի տեղափոխել Վրաստան, հայտնում է Վրաստանի ֆինանսների նախարարության քննչական ծառայությունը, փոխանցում են վրացական ԶԼՄ-ները։

«Բերման է ենթարկվել մեկ անձ, ով փորձել է մաքսանենգ ճանապարհով ոսկի տեղափոխել ավտոմեքենայի պահոցում։ Ընդհանուր առմամբ, իրավախախտը ունեցել է 1735 գրամ ոսկյա զարդեր՝ 216 758 լարիի (81,8 հազար դոլար) արժողությամբ։

Հարուցվել է քրեական գործ «Վրաստանի մաքսային սահմանով ապրանքների տեղափոխման հետ կապված կանոնների խախտում, որը կատարվել է առանձնապես խոշոր չափերով» հոդվածով։ Այն նախատեսում է պատիժ՝ տուգանքի կամ 5-7 տարի ազատազրկման չափով։