Զելենսկին նկարահանվել է Netflix-ի նոր սերիալում
ՏեսանյութերՈւկրաինայի նախագահ Վլադիմիր Զելենսկին նկարահանվել է Netflix սթրիմինգային հարթակի ինը դրվագից բաղկացած «Շրջադարձային կետ. ռումբը և սառը պատերազմը» սերիալում: Սերիալի թրեյլերը հրապարակվել է YouTube-ում։
Վավերագրական ֆիլմաշարի հերոսները քննարկում են Սառը պատերազմի նախադրյալները, միջուկային ռումբի ստեղծումը, Խորհրդային Միության փլուզումը և Ուկրաինայում Ռուսաստանի հատուկ գործողությունը։
Զելենսկին նախագծի թրեյլերում խոսում է այն մասին, թե ինչպես է Ռուսաստանը իբր Ուկրաինան համարում իր սեփականությունը։
Բացի այդ, սերիալում նկարահանվել են ՆԱՏՕ-ի գլխավոր քարտուղար Յենս Ստոլտենբերգը, ԿՀՎ նախկին տնօրեն Ռոբերտ Գեյթսը և նախկին պետքարտուղար Քոնդոլիզա Ռայսը: Ֆիլմի ռեժիսոր Բրայան Կիպենբերգերն ասել է, որ Ուկրաինայում Ռուսաստանի հատուկ գործողությունը համարում է Սառը պատերազմի հետեւանքներից մեկը։
Պրեմիերան կկայանա մարտի 12-ին։
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
