Մեծ Բրիտանիան 311 մլն դոլար կհատկացնի Ուկրաինային

Մեծ Բրիտանիայի կառավարությունը մինչև 2025 թվականը Ուկրաինային կտրամադրի 245 միլիոն ֆունտ ստեռլինգ (մոտ 311 միլիոն դոլար) օգնության փաթեթ՝ խիստ անհրաժեշտ զինամթերք գնելու համար: Այս մասին հայտնում է բրիտանական կառավարության կայքը։

«Նոր ֆինանսավորման փաթեթը կհամալրի Ուկրաինայի հրետանային զինամթերքի պաշարը, որը չափազանց կարևոր է պատերազմի համար», - ասվում է նաև հայտարարության մեջ:

Կառավարությունը նաև հիշեցրել է, որ Մեծ Բրիտանիայի պաշտպանության նախարար Գրանտ Շապսը թագավորության անունից խոստացել է անել հնարավոր ամեն ինչ, որպեսզի «Ուկրաինան կարողանա շարունակել պայքարը հաղթանակի համար»։

Այս շաբաթ Լոնդոնում Ռուսաստանի դեսպան Անդրեյ Կելինը հայտարարել է, որ Ռուսաստանի և Ուկրաինայի միջև խաղաղ համաձայնագրերի հասնելու ջանքերը խափանվել են Մեծ Բրիտանիայի նախկին վարչապետ Բորիս Ջոնսոնի կողմից՝ Միացյալ Նահանգների հրահանգով: