Քեյթ Միդլթոնը դժվարությամբ է վերականգնվում վիրահատությունից հետո

Արքայադուստր Քեյթ Միդլթոնը որովայնի պլանավորված վիրահատությունից հետո դժվարանում է անկողնում մնալ։ Այս մասին գրում է OK!-ը` ինսայդերին հղումով:

«Նա միշտ ունեցել է շատ լավ առողջություն և մարզական կազմվածք, ուստի, անընդհատ շարժվել չկարողանալը դժվար է նրա համար», -կիսվել է աղբյուրը:

Քեյթ Միդլթոնի ապաքինումը կարող է տեւել մի քանի ամիս, սակայն արքայադուստրը նախատեսում է վերադառնալ իր պարտականություններին մինչև Սուրբ Զատիկը, որը նշվում է մարտի 31-ին։

Հունվարի 16-ին Քեյթ Միդլթոնը հոսպիտալացվել էր Լոնդոնի կլինիկաներից մեկում։ Նույն օրը նա վիրահատվել էր։ Ըստ թագավորական ընտանիքի պաշտոնյաների՝ վիրահատությունը ծրագրված էր։