Հնդկաստանում գնացքը 100 կմ/ժ արագությամբ անցել է 70 կմ՝ առանց վարորդի (տեսանյութ)
ՏեսանյութերՀնդկական երկաթուղիները հրամայել են հետաքննություն անցկացնել այն բանից հետո, երբ բեռնատար գնացքն առանց վարորդի՝ անցել է ավելի քան 70 կմ:
Սոցցանցերում տարածված տեսանյութերում երևում է, որ գնացքը մեծ արագությամբ շրջում է մի քանի կայարաններով:
Հաղորդագրություններում նշվում է, որ գնացքը կիրակի օրը Ջամուի և Քաշմիրի Կաթուայից Փենջաբի Հոշիարպուր շրջան է գնացել՝ առանց վարորդի:
Երկաթուղային ընկերության խոսնակ Դիպակ Կումարը ասում է, որ գնացքը կանգնեցվել է, և ոչ ոք չի տուժել:
53 վագոնանոց գնացքը, որը տեղափոխում էր քարեր, ճամփորդում էր դեպի Փենջաբ՝ Ջամմուից, երբ կանգ է առել Կատուայում՝ անձնակազմը փոխելու համար:
Գնացքը շարժվել է մոտ 100կմ/ժ արագությամբ և կարողացել է անցնել մոտ հինգ կայարան՝ մինչև այն կանգնեցվելը։
«Գնացքը կանգնեցվել է այն բանից հետո, երբ երկաթուղու պաշտոնյան երկաթուղու վրա փայտե բլոկներ է տեղադրել՝ գնացքը կանգնեցնելու համար», - ասել են պաշտոնյաները :
Փայտե բլոկները օգնել են նվազեցնել գնացքի արագությունը։
Պաշտոնյաները հայտնել են, որ փորձում են պարզել գնացքի շարժման ճշգրիտ պատճառը այն բանից հետո, երբ այն կանգ է առել Կատուայում:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
