Պուտինը շնորհավորել է Էրդողանին

Թուրքիայի և Ռուսաստանի նախագահներ Ռեջեփ Թայիփ Էրդողանը և Վլադիմիր Պուտինը հեռախոսազրույց են ունեցել։

Էրդողանի վարչակազմի տվյալներով՝ զրույցի ընթացքում ՌԴ նախագահը շնորհավորել է իր թուրք գործընկերոջը ծննդյան 70-ամյակի առթիվ և երախտագիտություն է հայտնել թուրք-ռուսական բարեկամական հարաբերությունների ամրապնդման գործում ունեցած ավանդի համար։

Կրեմլը հայտնել է, որ Ռուսաստանի ղեկավարը նշել է Էրդողանի բարձր հեղինակությունը իր երկրում և նրա սահմաններից դուրս և Թուրքիայի ամրապնդված դիրքերը միջազգային ասպարեզում։

Վերջին անգամ երկու երկրների ղեկավարները հեռախոսով խոսել են անցյալ տարվա հոկտեմբերին, երբ զրույցի հիմնական թեման Մերձավոր Արևելքի հակամարտության գոտում իրավիճակի սրումն էր։

Էրդողանի 70-ամյակը նշվում է այսօր՝ փետրվարի 26-ին, առանց հատուկ տոնակատարությունների։