Աղմուկ կա Ակադեմիական քաղաքի ծրագրի շուրջ, ոչինչ տեղի չի ունենալու փակ դռների հետևում․ ԿԳՄՍ նախարար
ՔաղաքականԱկադեմիական քաղաքի ծրագրի մեկնարկի պահից սկսած արդեն իսկ նկատելի արդյունքներ են գրանցվել: Ծրագիրը ունի կարևոր սկզբունք, այն խիստ մասնակցային է: Այս մասին այսօր Ազգային ժողովում ԿԳՄՍ հարցերի մշտական հանձնաժողովի արտահերթ նիստի ժամանակ ասաց Կրթության, գիտության, մշակույթի և սպորտի նախարար Ժաննա Անդրեասյանը՝ անդրադառնալով «Ակադեմիական քաղաք» ծրագրին:
«Ոչինչ տեղի չի ունենում և չի էլ ունենալու փակ դռների հետևում: Բոլոր ուղղություններով ձևավորելու են աշխատանքային խմբեր, դրանցում ներառված են բոլոր բուհերը, գիտահետազոտական կազմակերպությունները և այդ ուղղությունների շահառու կազմակերպությունները»,- ասաց Ժաննա Անդրեասյանը:
«Դա է քննարկումների տեղը, որտեղ պետք է գնալ փաստարկներ բերել և աշխատել: Այս ծրագրի շուրջ հաճախ տեսնում ենք աղմուկ և չենք տեսնում աշխատանք, մենք աշխատում ենք այս ծրագրի շուրջ: Մի կողմ դնենք էմոցիաները և միացնենք մեր ուղեղը: Ցավոք, այսօր մենք տեսնում ենք էմոցիաներ և քիչ ռացիոնալ դիտարկումներ: Հույս ունեմ, որ մենք կկարողանանք միասին անցնել այս ճանապարհը»,- ասաց նա:
Իր ելույթի ժամանակ Անդրեասյանը նշեց, որ աճ է գրանցվել նաև օտարերկրյա ուսանողների թվի մեջ: Բարեփոխմանն աշխատանքներ են տարվում նաև այս ուղղությամբ:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
