2023 թվականին կանխվել է ավելի քան 2 մլն կիբեռհարձակման փորձ. ԱԱԾ տնօրեն

«2023 թվականի ընթացքում գլոբալ անկայունության  հետևանքով  Հայաստանի անվտանգային ձևավորման պայմաններում՝  անվտանգության ծառայությունը շարունակել է իրականցնել իր առջև դրված խնդիրները: Արդի մարտահրավերի պատշաճ  դիմակայելու նպատակով, տեխնիկական զարգացումներին համընթաց ազգային անվտանգության մարմիններում շարունակվել են աշխատանքները  տեխնիկական վերազինման, կադրերի պատրաստման, վերապատրաստման և որակավորման բարձրացման գործընթացի շարունակական կատարելագործման ուղղությամբ»:

Այս մասին  ԱԺ պաշտպանության և անվտանգության հերթական նիստի ժամանակ հայտնել է ազգային անվտանգության ծառայության տնօրեն՝  Արմեն Աբազյանը։

Աբազյանի խոսքով՝  2023 թվականին շահագործման են հանձնվել ամբողջությամբ կահավորված  սահմանապահ ուղեկալներ և պարետատներ: Սարքավորումներով հագեցվել և կահավորվել են սահմանապահ կետեր, կառուցվել են դիտակետեր և իրականացվել են ամրացման, կահավորման այլ աշխատանքներ: Աշխատանքներ են նաև  տարվել կապի կազմակերպման ուղղությամբ:

Գործարկվել է նույնականացման քարտերով ՀՀ- ի և Վրաստանի քաղաքացիների սահմանահատման ձևակերպման անհրաժեշտ  ծրագրային ապահովումը, - հավելեց Աբազյանը :

2023 թվականի ավարտին տեղի ունեցած ատեստավորմանը մասնակցել և դրական արդյունք է գրանցել  ծառայողների շուրջ 20 %–ը, իսկ ատեստավորված ծառայողների  աշխատավարձը ավելացել է  շուրջ 57% –ով:

Ըստ նրա ՝ կանխվել է ավելի քան 2մլն կիբերհարձակման փորձ: Բացահայտվել  է կոռուպցիոն բնույթի 204 հանցագործություն, որոնք առնչվել են մաքասային, առողջապահության, էկոնոմիկայի և իրավապահման, ինչպես նաև փողերի  լվացման  դեմ պայքարի ոլորտում:

ԱԱծ -ի կողմից բացահայտվել են նաև մի շարք կազմակերպությունների հարկային պարտավորություններ չկատարելու դեպքեր,  կանխամտածված սնանկության սխեմաներ՝ պետությանը պատճառելով 1, 8 մլրդ վնաս:

«Նախաձեռնված քրեական վարութների շրջանակում  բացահայտվել է պետությանը պատճառված 16 մլրդ վնաս, որից  նախաքններության ընթացքում վերականգնվել է 395 մլն դրամը ,-ասաց Աբազյանը:

Նիսիտի ավարտին Աբազյանը առաջարկեց քննարկումները տեղափոխել փակ դռների հետև` պահպանելով անվտանգության նորմերը: