Սոնա Ղազարյանը ելույթ է ունեցել Բրյուսելում կայացած Եվրոպական միության խորհրդարանների ԵՄ հարցերով հանձնաժողովների համաժողովում

ՀՀ ԱԺ եվրոպական ինտեգրման հարցերի մշտական հանձնաժողովի անդամ, «Քաղաքացիական պայմանագիր» խմբակցության պատգամավոր Սոնա Ղազարյանը ելույթ է ունեցել Բրյուսելում կայացած Եվրոպական միության խորհրդարանների ԵՄ հարցերով հանձնաժողովների (COSAC) համաժողովին: Պատգամավորն իր ելույթում նշել է.

«Նախեւառաջ թույլ տվեք մեր երախտագիտությունը հայտնել նախագահող եռյակին եւ Բելգիայի խորհրդարանին հայկական պատվիրակությանն այս կարեւոր հարթակին մասնակցելու հրավերի համար: 

Ինստիտուցիոն քաղաքականությունում կանանց եւ տղամարդկանց հավասար ներկայացվածությունը մեզ համար շատ կարեւոր թեմա է, քանի որ միայն համաչափ ներկայացվածությամբ է հնարավոր հասնել իրական ժողովրդավարությանը: 

Թավշյա հեղափոխությունից հետո մենք փոփոխություններ կատարեցինք օրենսդրական դաշտում: Այս պահին ունենք կանանց ներկայացվածության 30 տոկոս խորհրդարանում եւ տեղական ինքնակառավարման մարմիններում:   

Մեկ այլ կարեւոր քայլ էր «Կուսակցությունների մասին» օրենքի փոփոխությունը` հստակ ուղերձով` քաղաքական կուսակցությունների ղեկավար մարմիններում ներառականություն ունենալու կարեւորության մասին, քանի որ քաղաքական կուսակցություններն ինստիտուցիոն քաղաքականության դարպասներն են` հատկապես խորհրդարանական կառավարման ձեւ ունեցող երկրներում: 

Իշխող կուսակցությունը նույնպես աշխատում է ներքին կանոնադրության վրա` կիրառելով գենդերային քվոտաներ իր կառավարող մարմիններում, ինչպես ազգային, այնպես էլ տեղակալ:   

Մենք նաեւ աշխատում ենք գաղափարների վրա` քվոտաներից դուրս քաղաքականության միջոցով խրախուսելու կանանց մասնակցությունը 

Մենք կարծում ենք, որ իրավական դաշտն անհրաժեշտ է, բայց ոչ բավարար: Մենք նաեւ պետք է խրախուսենք կանանց, աջակցենք նրանց, քանի որ ինստիտուցիոն քաղաքականության յուրաքանչյուր կին ճանապարհ է հարթում մյուս կանանց համար»: