Ռուբեն Վարդանյանի գործունեության կարևոր ուղղություններից մեկը մշակութային, պատմական և հոգևոր ժառանգության պահպանումն էր (տեսանյութ)

Ռուբեն Վարդանյանի գործունեության կարևոր ուղղություններից մեկը միշտ եղել է մշակութային, պատմական և հոգևոր ժառանգության պահպանումը։ Ավելին, նա վերականգնել ու ռեստավրացիայի է ենթարկել մշակութային ու պատմական հուշարձանները ոչ միայն Հայաստանում ու Արցախում, այլև մեր հայրենիքի սահմաններից դուրս։ Քչերը գիտեն, որ նրա նախաձեռնությամբ և աջակցությամբ վերականգնվել են Թբիլիսիի Սուրբ Գեորգի տաճարը (13-րդ դար), Սինգապուրի Սուրբ Գրիգոր Լուսավորիչ եկեղեցին (19-րդ դար) և Իրանում գտնվող Սուրբ Թադեոսի նշանավոր վանքը (6–9-րդ դար)։

Նա մեծ հարգանք էր տածում ոչ միայն մեր ազգային հուշարձանների, այլև այլ ժողովուրդների ժառանգության նկատմամբ։ 2019 թվականին Ռուբեն Վարդանյանի ջանքերով վերականգնվել է Շուշիում գտնվող Վերին Գովհար Աղա մզկիթը և Իրանի մշակութային ժառանգության հուշարձանը։

«Մենք մշակութային արժեքներ ունենք Երուսաղեմում, Սինգապուրում, Վրաստանում, Իրանում և այլուր։ Մեզ համար կարևոր է, որ դրանք պահպանվեն։ Եթե ​​մենք ուզում ենք, որ մեր մշակույթը հարգվի և պահպանվի այլ երկրներում, մենք պետք է հարգենք նաև ուրիշներինն այստեղ»,- վերականգնված մզկիթի բացման ժամանակ ասել է Ռուբեն Վարդանյանը։

Նրան հաջողվել է համախմբել իր համախոհներին ու ընկերներին այս գաղափարների շուրջ և այդ համակցված ներուժն ուղղել ազգային նշանակության ծրագրերի իրականացմանը։