Թայվանում երկրաշարժերից տnւժшծների թիվը հասել է 711-ի (լուսանկարներ, տեսանյութ)

Թայվանում վերջին 25 տարվա ընթացքում ամենաուժեղ երկրաշարժը առնվազն չորս մարդու կյանք է խլել, չորեքշաբթի հայտնել է Associated Press գործակալությունը։

The New York Times-ը հայտնել է, որ երկրաշարժի հետևանքով՝ ամբողջ կղզում տուժել է 711 մարդ։ Եվս 77-ի գտնվելու վայրը մնում է անհայտ։

Երկրաշարժի պատճառով՝ կղզու իշխանությունները դադարեցրել են գնացքների երթևեկությունը։ Բացի այդ, վնասի պատճառով դադարեցվել է Թայբեյի մետրոյի վերգետնյա գծերից մեկի սպասարկումը։

Ավելի վաղ հաղորդվել էր, որ երկրաշարժի հետևանքով կղզում առնվազն 26 շենք է փլուզվել։ Յոթ շենքի բնակչությունը թակարդում են մնացել:

Կղզու ավելի քան 90 հազար տնային տնտեսություններ մնացել են առանց էլեկտրականության։

Երկրաշարժի հետեւանքների վերացման գործում ներգրավվել է բանակը։

Չինացի սեյսմոլոգներն ավելի վաղ հայտնել էին, որ ապրիլի 3-ին՝ տեղական ժամանակով ժամը 07:58-ին (Երևանի ժամանակով՝ 03:58-ին) Թայվանի Հուալիեն շրջանի ափերի մոտ 7,3 մագնիտուդով երկրաշարժ է տեղի ունեցել 12 կմ խորության վրա: Առաջին ցնցմանը հաջորդել են մի քանի հետցնցումներ՝ մինչև 6 բալ ուժգնությամբ։

Ինչպես նշում է AP-ն, ԱՄՆ երկրաբանական ծառայությունը երկրաշարժի ուժգնությունը գնահատել է 7,4 մագնիտուդ։

Գործակալությունն ընդգծում է, որ երկրաշարժն ամենահզորն է եղել Թայվանում վերջին 25 տարիների ընթացքում։

1999 թվականի սեպտեմբերին կղզում տեղի ունեցավ 7,7 մագնիտուդ ուժգնությամբ երկրաշարժ, որի հետևանքով` զոհվեց 2,4 հազար մարդ, վիրավորվեց մոտ 100 հազարը։