Կարծում եմ՝ ապրիլի 5-ին Բրյուսելում անվտանգային հարցեր չեն քննարկվի․ ՀՀ-ում Ֆրանսիայի դեսպան
ՏեսանյութերՖրանսիան ՆԱՏՕ-ի առաջին երկիրն է, որը կոտրում է տաբուն՝ մատակարարելով սարքավորումներ ՀԱՊԿ անդամ երկիր Հայաստանին։
Այս մասին Պետրոս Ղազարյանի հետ «Հարցազրույց»-ում ասել է ՀՀ-ում Ֆրանսիայի դեսպան Օլիվիե Դըկոտինյին։
Ըստ դեսպանի՝ Ֆրանսիան պաշտպանության ոլորտում աջակցում է Հայաստանին, որպեսզի երկիրը կարողանա պաշտպանել իր ժողովրդին, ինքնիշխանությունն ու տարածքային ամբողջականությունը։
Նա նաև կարծիք է հայտնել, որ ապրիլի 5-ին Բրյուսելում սպասվող ՀՀ վարչապետ Նիկոլ Փաշինյանի, Եվրոպական հանձնաժողովի նախագահ Ուրսուլա Ֆոն դեր Լեյենի և ԱՄՆ պետքարտուղար Էնթոնի Բլինքենի համատեղ հանդիպմանն անվտանգային հարցեր չեն քննարկվի։
«Ինչ վերաբերում է անվտանգային հարցերին, Ֆրանսիան պատասխանատվություն է ստանձնում Հայաստանի նկատմամբ։ Վերջին ամիսներին պաշտպանության ոլորտում Հայաստանի հետ համագործակցություն ենք սկսել, որը զարգանում է։ ՀՀ պաշտպանության նախարարն այցելեց Փարիզ, Ֆրանսիայի ԶՈՒ նախարարն իր հերթին այց կատարեց Հայաստան, որի ժամանակ ականատես եղանք որոշակի կոնկրետ ադյունքների սարքավորումների և վերապատրաստումների տեսքով, որոնք արդեն ընթացքի մեջ են՝ ի նպաստ հայկական բանակի»,- ասել է դեսպանը։
ՈՒՂԻՂ ԵԹԵՐ
Ամենադիտված 
Նազենի Հովհաննիսյանը՝ գեղեցիկ կարգավիճակում (տեսանյութ)
