Հեռուստահաղորդավարուհին կոչ է արել չդիտել Մեդվեդևի ամանորյա ուղերձը

Հեռուստահաղորդավարուհի Տատյանա Լազարևան «Live Journal»-ի իր բլոգում կոչ է արել բոյկոտել Ռուսաստանի նախագահ Դմիտրի Մեդվեդևի ամանորյա ավանդական ուղերձը, որը մի քանի րոպեով հեռարձակվում է Ռուսաստանի առաջատար հեռուստատեսություններով:

Վերջինս առաջարկել է նախագահի ուղերձը հեռարձակելուց մի քանի րոպե առաջ անջատել հեռուստացույցները:  

Հաղորդավարուհին իր այդ կոչը հիմնավորել է հետևյալ կերպ։ Երբ քաղաքացիների մեծ մասի հեռուստացույցները միացված կլինեն և այդ պահին նախագահն իր ուղերձով հանդես գա, եթե բոլոր հեռուստադիտողներն անջատեն հեռուստացույցները, ապա դա ևս բացասաբար կազդի Մեդվեդևի և նրա շահերը պաշտպանող հեռուստատեսությունների վարկանիշի վրա:

Տատյանա Լազարևան դեկտեմբերի 10-ին «Բալոտնի» հրապարակում մասնակցել է խորհրդարանական ընտրությունների արդյունքները կեղծելու դեմ բողոքի ցույցերին, իսկ երկու շաբաթ անց մասնակցել Եկատերինբուրգում տեղի ունեցած ընդդիմության ցույցերին, ինչպես նաեւ՝ «Ազնիվ մարդիկ արդար ընտրությունների համար» հեռուստահաղորդման նկարահանումներին: