Կիևին հանձնված F-16 կործանիչը կարող էր խոցվել հենց Ուկրաինայի կողմից՝ Patriot հրթիռով. NYT

Կիևին հանձնված F-16 կործանիչը կարող էր խոցվել ուկրաինական զինված ուժերի հակաօդային պաշտպանության Patriot հակահրթիռային համակարգի միջոցով։ Այսպիսի հայտարարություն է արել The New York Times-ը (NYT)՝ վկայակոչելով արևմտյան պաշտոնյային։

Նրա խոսքով՝ կան նշաններ, որ կործանիչը կարող էր խոցվել Patriot-ի կրակոցից։ Միաժամանակ, չի կարելի բացառել մեխանիկական անսարքությունների ու օդաչուի սխալի հնարավորությունը, պարզաբանում է պարբերականը։

Ավելի վաղ Ուկրաինայի զինված ուժերի գլխավոր շտաբը հաստատել էր իր F-16 ինքնաթիռի կորուստը, սակայն միջադեպի մանրամասները, այդ թվում՝ կործանիչի ոչնչացման վայրը, չէր նշվում։

Ուկրաինայի զինված ուժերի ռազմաօդային ուժերի տվյալներով՝ ինքնաթիռը կործանվել է։ Գերագույն Ռադայի պատգամավոր Մարիանա Բեզուգլայան հայտարարել է, որ այն խոցվել է Patriot հակաօդային պաշտպանության համակարգի հրթիռով՝ սխալի հետևանքով, և Ուկրաինայի զինված ուժերի հրամանատարությանը մեղադրել է ինքնաթիռի կործանման հանգամանքները թաքցնելու մեջ։

Ուկրաինայի Զինված ուժերի ռազմաօդային ուժերի հրամանատար Նիկոլայ Օլեշչուկը այս հաղորդագրության համար սպառնացել է պատգամավորին։