Շախմատի Եվրոպայի պատանիների առաջնությունում հայ շախմատիստները դարձյալ առաջատարների շարքում են

Մեր շախմատիստները շարունակում են մնալ առաջատարների շարքում Չեխիայի մայրաքաղաք Պրահայում ընթացող 2024 թվականի շախմատի Եվրոպայի պատանիների առաջնությունում: Այս մասին հայտնում են Հայաստանի շախմատի ֆեդերացիայից։

7 խաղափուլից հետո Ալեքս Սահակյանը ունի 6 միավոր և կիսում է 1-2-րդ հորիզոնականները մինչև 18 տարեկան տղաների խմբում:

Նույն տարիքային խմբում առաջատարների շարքում են նաև Ռոբերտ Փիլիպոսյանը և Արսեն Դավթյանը, ովքեր ունեն 5 միավոր։

Բենիկ Ագասարովը ունի 6 միավոր և կիսում է 1-3-րդ հորիզոնականները մինչև 14 տարեկան պատանիների խմբում:

Նույն տարիքային խմբում առաջատարների շարքում է նաև Ռուդոլֆ Փաշիկյանը, ով ունի 5.5 միավոր:

Տիգրան Համբարձումյանը ունի 5.5 միավոր և կիսում է 3-7-րդ հորիզոնականները մինչև 12 տարեկան տղաների խմբում:

Անի Նահապետյանը ունի 5.5 միավոր և կիսում է 5-8-րդ հորիզոնականները մինչև 14 տարեկան աղջիկների խմբում:

Նույն տարիքային խմբում առաջատարների շարքում է նաև Սոնա Կրկյաշարյանը, ով ունի 5 միավոր:

Գաբրիելա Հարությունյանը ունի 5 միավոր մինչև 12 տարեկան աղջիկների խմբում և կիսում է 4-15-րդ հորիզոնականները։

Սոֆիա Բաղրամյանը ունի 5 միավոր և կիսում է 5-10-րդ հորիզոնականները մինչև 8 տարեկան աղջիկների խմբում:

Առաջնության ավարտին մնացել է 2 որոշիչ խաղափուլ: