Բորելը կոչ է արել թույլատրել եվրոպական զենքով հարվածել Ռուսաստանին
Հասարակություն
ԵՄ դիվանագիտության ղեկավար Ժոզեպ Բորելը հայտարարել է, որ ոչ ոք չի ցանկանում պատերազմական վիճակում լինել Ռուսաստանի հետ՝ միաժամանակ կոչ անելով ԵՄ երկրներին թույլ տալ հարվածներ հասցնել եվրոպական զենքով այն տարածքին, որը ԵՄ-ն ճանաչում է` որպես ռուսական։
Նախօրեին Եվրամիության ԱԳ նախարարների ոչ պաշտոնական հանդիպման ժամանակ Բորելը առաջարկել էր նախարարներին համաձայնել ընդհանուր դիրքորոշման շուրջ՝ Կիևի համար «բոլոր սահմանափակումները» վերացնելու Ռուսաստանի Դաշնության տարածքում եվրոպական զենքով հարվածներ հասցնելու վերաբերյալ: Սակայն հանդիպումից հետո եվրոպացի գլխավոր դիվանագետը հայտարարել է, որ հնարավոր չէ միասնական դիրքորոշում ձևավորել, և նման որոշումները թողնված են համայնքի յուրաքանչյուր անդամ երկրի վրա։
«Նույնիսկ եթե մենք դիտարկում ենք ռուսական տարածքին հարվածելու հնարավորությունը, մենք չենք պատերազմում Ռուսաստանի հետ, ոչ ոք չի ցանկանում պատերազմել Ռուսաստանի Դաշնության հետ, մենք պարզապես աջակցում ենք Ուկրաինային», - ասել է Բորելը:
Միևնույն ժամանակ, նա Ուկրաինային կոչ է արել «ընդունել իրավիճակը», որը «միջոցներ չունի հակահարված տալու» Ռուսաստանին։
«Նրանք պետք է ունենան հավասար հնարավորություններ»,- իր դիրքորոշումը պարզաբանել է ԵՄ դիվանագիտության ղեկավարը։
ՈՒՂԻՂ ԵԹԵՐ
Ամենադիտված 
Հայաստանը և Ադրբեջանը տարածքների փոխանակում պետք է իրականացնեն. Փաշինյան
