Կուդրինի կարծիքով Ռուսաստանի ընդդիմությունը միասնական թեկնածու կկարողանա առաջադրել միայն 1.5-2 տարի հետո

ՌԴ ֆինանսների նախկին նախարար Ալեքսեյ Կուդրինի կարծիքով Ռուսաստանի ընդդիմությունը միասնական, մրցունակ նախագահի թեկնածու կկարողանա առաջադրել միայն 1.5-2 տարի հետո։

«Այսօր դա բոլորն են հասկանում՝ ով էլ որ դուրս գա Պուտինի հետ մրցելու մարտյան ընտրություններին, նույնիսկ գրանցված թեկնածուների ցուցակից դուրս, պարտվելու է ձայների ամենաարդար հաշվարկի դեպքում էլ», – գրել է քաղաքական գործիչը իր բլոգում։

Կառավարության նախկին անդամը, ով մասնակցել է ընդդիմության զանգվածային ցույցին՝ դեկտեմբերի 24-ին Սախարովի պողոտայում, նշել է երկու հիմնական խնդիր ընթացիկ քաղաքական գործընթացի հետ կապված։ Առաջինը, ըստ Կուդրինի, «ցույցերը պետք է ինստիտուցիոնալացվեն»։ Դա նշանակում է, որ ընդդիմությունը պետք է հասնի այն մակարդակին, որ իշխանությունները նրանց մեջ տեսնեն երկխոսության սուբյեկտի։ Երկրորդը՝ հասարակական շարժման և իշխանությունների միջև առկա անդունդը պետք է կրճատվի «այն չափի, որ այն հնարավոր լինի հաղթահարել մեկ ցատկով»։