Կիևը պետք է շտապի ընդունել Պուտինի առաջարկները. Մեդվեդև
Տեսանյութեր
Կիևն այժմ հնարավորություն ունի ընդունելու Ռուսաստանի նախագահ Վլադիմիր Պուտինի՝ ուկրաինական հակամարտությունը լուծելու առաջարկը, հակառակ դեպքում Ռուսաստանի զինված ուժերի հարձակումը կշարունակվի, հունիսի 18-ին լրագրողներին ասել է ՌԴ Անվտանգության խորհրդի փոխնախագահ Դմիտրի Մեդվեդևը, գրում է Regnum-ը։
«Եթե խոսեմ միանգամայն անկեղծ, ես կարծում եմ, որ նախագահն ամեն ինչ ասել է այս մասին, որ յուրաքանչյուր հաջորդ առաջարկ, որը արվելու է Ռուսաստանի Դաշնության կողմից, Ուկրաինայի ներկայիս իշխանությունների համար, անկախ նրանից, թե ինչպես ենք վերաբերվում նրանց, ավելի վատ կլինի, քան նախորդը», - ասել է Մեդվեդևը։
ՌԴ Անվտանգության խորհրդի փոխնախագահի խոսքով՝ Կիևի ռեժիմը պետք է օգտվի այս առաջարկից, քանի դեռ հնարավորություն ունի, և փորձի խաղաղություն հաստատել՝ վերջ տալով հակամարտության այս հատվածին։ Հակառակ դեպքում՝ ռուսական բանակի հարձակողական գործողությունները կշարունակվեն։
«Իսկ թե որտեղ կավարտվի այդ նույն սանիտարական գոտու սահմանը, որի մասին խոսեց մեր երկրի նախագահը, դեռ դժվար է ասել։ Հավանական է, որ այս ամենը Ուկրաինայի ներկայիս իշխանությունների օգտին չի լինի։ Այնպես որ, նրանք պետք է շտապեն»,- ասել է Մեդվեդևը։
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
