Ռոնալդուն պատմական ռեկորդ է սահմանել

Պորտուգալացի ֆուտբոլիստ Կրիշտիանու Ռոնալդուն դարձավ պատմության մեջ առաջին խաղացողը, ով մասնակցել է Եվրոպայի վեց տարբեր առաջնությունների: Այս ռեկորդի մասին հայտնել է ՈՒԵՖԱ-ի մամուլի ծառայությունը:

39-ամյա Կրիշտիանու Ռոնալդուն նաև Պորտուգալիայի հավաքականի կազմում գոլերի քանակով համաշխարհային ռեկորդակիր է։ 2003 թվականին իր նորամուտից ի վեր՝ նա ազգային հավաքականի կազմում 130 գոլ է խփել։

Ռոնալդուն 2004 թվականից ի վեր ոչ մի առաջնություն բաց չի թողել։ 2018 թվականին նա դարձավ առաջին խաղացողը, ով հանդես եկավ հինգ Եվրոպայի առաջնություններում։ Եվրո-2024-ի Պորտուգալիա-Չեխիա խաղից առաջ Ռոնալդուի ռեկորդը կրկնել է Խորվաթիայի հավաքականի կիսապաշտպան Լուկա Մոդրիչը։

Չեխիայի դեմ հունիսի 18-ին կայացած հանդիպումը Ռոնալդուի համար 26-րդն էր Եվրոպայի առաջնությունում։ Թիմերի միջև հանդիպումն ավարտվել է պորտուգալացիների հաղթանակով՝ 2:1 հաշվով։