Կարեն Խաչանովը չի մասնակցի Փարիզի Օլիմպիական խաղերին

Ռուսաստանի թենիսի ֆեդերացիան իր Telegram ալիքում հայտարարել է 2024 թվականին Փարիզում կայանալիք Օլիմպիական խաղերի մասնակիցների անունները: Հայ թենիսիստ Կարեն Խաչանովը Փարիզ մեկնող մարզիկների թվում չէ, թեև վարկանիշ էր նվաճել:

Վարկանիշի համաձայն՝ Օլիմպիական խաղերի ուղեգիր էին նվաճել Անդրեյ Ռուբլյովը (6), Կարեն Խաչանովը (22), Դարիա Կասատկինան (14), Լյուդմիլա Սամսոնովան (15), Աննա Կալինսկայան (24), Անաստասիա Պավլյուչենկովան (26) և Անաստասիա Պոտապովան (36), սակայն նրանք չեն մասնակցի խաղերին տարբեր պատճառներով։

«Նրանք, ովքեր իսկապես ցանկանում են և լավ պատրաստված են, հանդես կգան խաղերում: Բացի այդ, մենք կկարողանանք փորձարկել երիտասարդներին։ Յուրաքանչյուր ոք Օլիմպիական խաղերին հասել է սեփական ուժերով, և ոչ թե անցյալի արժանիքների պատճառով», — «Матч ТВ»-ին ասել է FTR-ի ղեկավար Շամիլ Տարպիշչևը:

Փարիզի Օլիմպիական խաղերը տեղի կունենան հուլիսի 26-ից օգոստոսի 11-ը։ Ռուսաստանցի մարզիկները հանդես կգան չեզոք դրոշի ներքո:

Տղամարդկանց պայքարում կխաղան Դանիիլ Մեդվեդևը (աշխարհի հինգերորդ համար), Ռոման Սաֆիուլինը (40), Պավել Կոտովը (50) և Ասլան Կարացևը (97), իսկ աղջիկների պայքարում՝ Եկատերինա Ալեքսանդրովան (20), Միրա Անդրեևան (23), Վերոնիկա Կուդերմետովան (35) և Դիանա Շնայդերը (49):

Զուգախաղերում հանդես կգան Մեդվեդև/Սաֆյուլին, Կոտով/Կարացև, Անդրեևա/Կուդերմետովա և Ալեքսանդրովա/Շնայդեր զույգերը: