BMW-ն ներկայացրել է նոր սերնդի X3 քրոսովերը (լուսանկարներ)

Գերմանական BMW ընկերությունը ներկայացրել է X3 քրոսովերի նոր սերունդը։ Այս մասին հայտնում է բրենդի մամուլի ծառայությունը։ Եվրոպական շուկայում վաճառքը կսկսվի 2024 թվականի չորրորդ եռամսյակում։

Մեքենան ստացել է ռադիատորի մեծ վանդակաճաղ՝ ուղղահայաց և անկյունագծային սլաքներով, նոր բամպեր և T-աձև նախշով լույսեր։ Օդի դիմադրության գործակիցը 0,27 է։

Մեքենայի երկարությունն աճել է 34 մմ-ով (մինչև 4755 մմ), իսկ լայնությունը՝ 29 մմ-ով։ Անիվային բազայի չափը մնացել է անփոփոխ՝ 2865 մմ։

Նոր BMW X3-ը վաճառքի կհանվի 208 և 197 ձիաուժ հզորությամբ բենզինային և դիզելային շարժիչներով։ Նման մեքենաների համար 100 կմ/ժ արագացումը տևում է 7,8 և 7,7 վայրկյան։

Հայտարարված է նաև հիբրիդային տարբերակի մասին՝ 300 ձիաուժ հզորությամբ։ Բացի այդ, հնարավոր կլինի պատվիրել BMW X3-ի թոփ տարբերակը՝ 398 ձիաուժ հզորությամբ 3 լիտրանոց բենզինային շարժիչով։ 0-100 կմ/ժ արագություն նման քրոսովերը կարող է զարգացնել 4,6 վայրկյանում։

Գերմանիայում նոր BMW X3-ի գինը սկսվում է €58 հազարից (ավելի քան 24 մլն դրամ՝ հրապարակման պահի փոխարժեքով):