Ռայա Նազարյանն ընտրվել է Բուլղարիայի խորհրդարանի նախագահ

Հայազգի Ռայա Նազարյանը, 131 կողմ, 66 դեմ և 39 ձեռնպահ ձայներով, ընտրվել է Բուլղարիայի խորհրդարանի նախագահ, հայտնում է BTA-ն։

Ռայա Նազարյանն իր ելույթում նշել է, որ խորհրդարանն՝ անկախ հասարակության վստահության աստիճանից, գործադիր և օրենսդիր իշխանությունների լեգիտիմացման միակ հարթակն է։

Նա նշել է, որ պատգամավորները կարող են իր վրա հույս դնել երկխոսության, արդարության, իրավահավասարության և Ազգային ժողովի կանոնադրությանը, օրենքներին ու կանոնակարգերին անվերապահորեն հետևելու առումով։