Հայ ազգի աշխարհահռչակ լուսանկարչի մասին ֆիլմ կնկարահանվի

«Արեւելքը» գրում է, որ Կ․ Պոլսի Հայոց Սահակ արքեպիսկոպոս Մաշալյանը նախօրեին ընդունել է բեմադրիչներ Էլա Յալչընին եւ Ալեն Փերդեճին, ովքեր նախաձեռնել են աշխարհահռչակ հայազգի լուսանկարիչ Արա Գյուլերի մասին պատմող «Մերհաբա» վերնագրով կինոնկարի նկարահանման աշխատանքները։ Նախաձեռնությանը մասնակցում է նաեւ Հարություն Գուրանը։ Հանդիպման ընթացքումը բեմադրիչները ներկայացրել են նախագիծն ու խնդրել Սահակ պատրիարքի օրհնությունը։

Սահակ պատրիարքն էլ ուրախություն է հայտնել այցելության համար եւ ընդգծել այն մեծ ավանդը, որ ունեցել է Արա Գյուլերը։ Նա նաեւ իր գնահատանքն է հայտնել նախաձեռնությանը եւ մաղթել, որ նախաձեռնությունը հաջողությամբ պսակվի։