Գաղափարական պայքարում Եկեղեցուն հաղթել հնարավոր չէ․ Միքայել Սրբազան

Իշխանությունները սկսել են չափի զգացողություն ունենալ, Եկեղեցուն հաղթել հնարավոր չէ, հնարավոր է եկեղեցականների ֆիզիկական ոչնչացման ճանապարհով դադարեցնել գործունեությունը, ինչպես եղել է Սովետական միության տարիներին, գաղափարական պայքարում Եկեղեցուն հաղթել հնարավոր չէ։ Այս մասին այսօր Գյումրիում մեկնարկած երթի ժամանակ ԼՈՒՐԵՐ․com-ի հետ զրույցում ասաց Միքայել Սրբազանը։

Պատասխանելով հարցին, թե ինչ քայլերի կարող է գնալ իշխանությունը, մասնավորապես, ոստիկանների միջոցով կոշտ գործողությունների դեպքում, արդյոք ոստիկանը կհասկանա, որ հայրենակցի վրա չի կարելի ձեռք բարձրացնել, Սրբազանը նշեց․

«Փառք Աստծուն, նման միջադեպ դեռևս չի գրանցվել, որ ոստիակնությունը ուժ կիրառի հոգևորականների հանդեպ, հակառակ դեպքում՝ ինքն իրեն կխայտառակի, եթե իշխանություններն էլ նման հրաման տան, իրենք իրենց կխայտարառեն»,-ասաց նա։