Դատավորների ընդհանուր ժողով է հրավիրվել․ դատավորներն այս անգամ ևս ԲԴԽ անդամ կընտրեն

Դատավորների ընդհանուր ժողով է հրավիրվել։ Ինչպես հայտնում են ԲԴԽ-ից՝ Հայաստանի Հանրապետության Վճռաբեկ դատարանի նախագահի հրամանով 2024 թվականի հունիսի 3-ին ժամը 15:00-ին, հրավիրվել է Հայաստանի Հանրապետության դատավորների ընդհանուր ժողով:

Ժողովի օրակարգը, թեև պաշտոնապես դեռ հայտնի չէ, սակայն ամենայն հավանականությամբ՝ օրակարգում կլինի ԲԴԽ դատավոր անդամի ընտրության հարցը։Թե ովքեր կլինեն թեկնածուները և ում կընտրեն դատավորները՝ դեռևս պարզ չէ, սակայն դատավորների ընդհանուր ժողովի վերջին նիստում ԲԴԽ անդամ է ընտրվել Վերաքննիչ քրեական դատարանի դատավոր Արմեն Դանիելյանը։

Հիշեցնենք, որ ԲԴԽ անդամ, Վճռաբեկ դատարանի քաղաքացիական պալատի դատավոր Նաիրա Հովսեփյանի լիազորությունները ԲԴԽ-ում դադարեցվել են՝ սեփական դիմումի համաձայն։

Թե ինչն է եղել դիմումի պատճառը՝ պաշտոնական պարզաբանում առ այս պահն առկա չէ, սակայն շրջանառվող լուրերի համաձայն՝ Նաիրա Հովսեփյանը տարաձայնություններ է ունեցել ԲԴԽ նախագահ Կարեն Անդրեասյանի հետ, իսկ տարաձայնությունների պատճառը եղել է Նաիրա Հովսեփյանի դեմ բողոքները։ Մասնավորապես, փաստաբանական համայնքը բազմիցս ահազանգել է, որ Նաիրա Հովսեփյանի վարույթում գտնվող գործերով որոշումներն ամիսներ շարունակ, երբեմն՝ տարիներով չեն տրվում կողմերին, թեև նման խախտման համար մի շարք դատավորների լիազորություններ են դադարեցվել, այդ թվում՝ Նաիրա Հովսեփյանի քվեարկությամբ։

Հատկանշական է, որ Նաիրա Հովսեփյանը բավականին մոտ հարաբերություններ ունի Նիկոլ Փաշինյանի կնոջ՝ Աննա Հակոբյանի հետ, համենայն դեպս, հաճախ է նկատվում վերջինիս հետ թևանցուկ քայլելիս, թեև դատավորն ինքնին պարտավոր է քաղաքական զսպվածություն ունենալ։ Միևնույն ժամանակ կարծիք կար, որ դա էր, ի թիվս այլնի, նրան արտոնյալի կարգավիճակ էր ապահովում։ Վերջինիս քվեարկությամբ, ինչպես արդեն արձանագրվեց, դադարեցվել են մի շարք դատավորների լիազորություններ, նրանց թվում՝ դատավոր Զարուհի Նախշքարյանինը։
Ն. Հովսեփյանի մասնակցությամբ կայացված ԲԴԽ-ի որոշումից հետո՝ Նախշքարյանը ասել էր. «Ինձ հնարավորություն տվեցիք գիտակցելու, որ իմ բոլոր ջանքերը՝ անկախ դատական իշխանություն ունենալու համար զուր չեն եղել, և, ինչպես ասում է դատավոր Աննա Փիլոսյանը, մեկ մարդու արածը երբեք անկարևոր և անհետևանք չէ։
Եվ դուք դրա մեջ կհամոզվեք, ինձ չհասկացողներ, չկամեցողներ, մաղձի մեջ տապակվողներ և պառանոիդալ կոմպլեքսների տակ մնացած ճղճիմ էակներ։

Կհամոզվեք նաև դուք, փոքրոգի, վախկոտ տառապյալներ։ Նստեք և սպասեք։ Ձեր հետևից կգան»։

Այս թեմայով Նիկոլ Փաշինյանը մասնակցել է «Սինթետիկ թմրամիջոցների վտանգների հասցեագրման գլոբալ կոալիցիա» խորագրով գագաթնաժողովին Մաքսային հսկողությունից թաքցվել էր ընդհանուր 303.500 տուփ՝ 6.070.000 հատ ծխախոտ Սեպտեմբերի 23. պատմության այս օրը Սեպտեմբերի 23. պատմության այս օրը Սեպտեմբերի 23. պատմության այս օրը