Ողբերգության մեղավորներից մեկը ԱՄՆ-ն է. Իրանի նախկին ԱԳ նախարար
Հասարակություն
«ԱՄՆ-ն Իրանի նախագահ Էբրահիմ Ռաիսիին և նրա շքախմբին Խուդաֆերինից Թավրիզ տեղափոխող ուղղաթիռի կործանման գլխավոր մեղավորներից մեկն է»։ Այս մասին հայտարարել է Իրանի նախկին արտգործնախարար Մոհամմադ Ջավադ Զարիֆը, հաղորդում են միջազգային ԶԼՄ-ները։
Նրա խոսքով, չնայած Միջազգային դատարանի որոշմանը՝ ԱՄՆ-ն պատժամիջոցներ է սահմանել Իրանին ինքնաթիռների և օդային տրանսպորտի պահեստամասերի վաճառքի նկատմամբ։
«Միացյալ Նահանգները թույլ չի տալիս Իրանի ժողովրդին օգտվել օդային տրանսպորտի լավ հնարավորություններից, դա կգրանցվի Իրանի դեմ ԱՄՆ-ի հանցագործությունների ցանկում»,- ընդգծել է նա։
Իրանի նախկին ԱԳ նախարարը նշել է, որ նախօրեին Իրանում ուղղաթիռի կործանումը բարդ ու դառը իրադարձություն էր։
«Վերջին 45 տարիների ընթացքում Իրանն անցել է տարբեր դժվար փորձությունների միջով, Իրանի ժողովուրդը դուրս կգա այս իրավիճակից և միասնական կգնա առաջ»,- հավելել է Զարիֆը։
Մայիսի 19-ին Խուդաֆերինից Թավրիզ թռչող ուղղաթիռը, որում եղել են Իրանի նախագահ Էբրահիմ Ռաիսին, արտգործնախարար Հուսեյն Ամիր Աբդոլլահիանը, Թավրիզում Իրանի գերագույն առաջնորդի ներկայացուցիչ Մուհամմեդ Ալի Ալի Հաշեմին և Արևելյան Ադրբեջանի նահանգապետը, վթարի է ենթարկվել Մալիկ Ռեհմատի նահանգում։ Վթարի հետևանքով՝ զոհվել է 9 մարդ։
Ամենադիտված 
Վրաստանի նախագահը հայկական Լոռին և Տաշիրը «պատմական Վրաստան» է համարում․ 168.am
