Փաշինյանական վարչախմբի պարագայում մարդիկ կալանավորվում են իրենց հնչեցրած հանրային սուր կարծիքի համար․ Դավիթ Ֆիդանյան
Անգամ արդեն միջազգային կառույցներն են խոսում, որ ՀՀ-ում ժողովրդավարության առումով, քաղաքական բանտարկյալների առումով լրջագույն խնդիր կա և տարբեր միջազգային կառույցներ սուր քննադատության են ենթարկում գործող ռեժիմին խայտառակ վիճակի վերաբերյալ․ քաղբանտարկյալներ Նարեկ Սամսոնյանի և Վազգեն Սաղաթելյանի գործով դատական նիստից առաջ լրագրողների հետ զրույցում ասաց AntiFake.am-ի լրագրող Դավիթ Ֆիդանյանը։
«ՀՀ-ում կան քաղբանտարկյալներ և այսօր պետք է փաստենք, որ փաշինյանական վարչախմբի պարագայում մարդիկ կարող են կալանավորվել իրենց հնչեցրած խոսքի և, հանրային սուր կարծիքի համար, ինչպես եղավ Նարեկ Սամսոնյանի և Վազգեն Սաղաթելյանի պարագայում, որոնք կալանավորվել են միայն այն բանի համար, որ սուր քննադատություն են ենթարկել Փաշինյանի՝ Տավուշի գյուղերը հանձնելու Ադրբեջանին որոշումը»,-ասաց նա։
Ըստ նրա, այս կալանավորումներով գործող ռեժիմը փորձ է անում արգելակել հանրային ընդդիմադիր գործիչների բողոքը տարբեր ձևաչափերում, ինչը նրանց մոտ որևէ կերպ չի ստացվում, քանի որ հանրությունն այլևս չի վախենում։
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
