''TNT''-ն գնել է ''Comedy Club''-ը

Ինչպես հաղորդում է ''Ինտերֆաքս''-ը «Գազպրոմ - մեդիա»-ի մաս կազմող TNT հոլդինգը ձեռք է բերել TNT հեռուստաալիքին պատկանող "Comedy Club Production"-ի (CCP) 75% բաժնետոմսերը:

TNT-ն գնել է CCP-ի բոլոր իրավունքները, այդ թվում արտադրված ծրագրերի ամբողջ արխիվը եւ երկարաժամկետ պարտավորություններ է ստանձնել ընկերության կողմից նոր հումորային ծրագրերով ապահովելու համար: CCP-ի հիմնադիր եւ գլխավոր պրոդյուսեր Արթուր Ջանիբեկյանը հայտարարել է, որ իր ընկերությունը դեռ երկար և դժվարին աշխատանք ունի իրականացնելու ռուսական TNT հեռուստաընկերության հետ համատեղ:

Գործարքի գումարային չափը դեռևս գաղտնի է պահվում: Ավելի վաղ «Կոմերսանտ» թերթը, հղում անելով իր անանուն աղբյուրներին, հայտնել էր, որ TNT հոլդինգը մտադիր է CCP-ի վերահսկիչ փաթեթը գնել 250 մլն դոլարով (ընկերության ընդհանուր գինը գնահատվում է 450 մլն դոլար):

CCP-ը համարվում է  TNT հեռուստաալիքի կարեւորագույն ծրագրերի ստեղծողն ու արտադրողը. "Comedy Club", "Дом-2", «Интерны» և «Универ» սերիալները: