Հայաստանի գեղարվեստի պետական ակադեմիան նոր ռեկտոր ունի

2024 թվականի մայիսի 6-ին Հայաստանի գեղարվեստի պետական ակադեմիայի խորհրդում գաղտնի քվեարկությամբ տեղի է ունեցել ռեկտորի ընտրություն: 18 կողմ ձայնով ակադեմիայի ռեկտոր է ընտրվել արվեստագիտության թենածու, դեցենտ Վարդան Ազատյանը:

Ազատյանն արվեստաբան է, հայագետ, փիլիսոփայության թարգմանիչ, ավելի քան 20 տարի դասավանդում է ակադեմիայում: 2010-ին դոցենտի կոչում է ստացել, դասախոսել է նաև արտերկրի մի շարք բուհերում: 2014 թվականին հիմնադրել է Աշոտ Հովհաննիսյանի անվան հումանիտար հետազոտությունների ինստիտուտը: Հեղինակ է մի շարք հոդվածների, ուսումնասիրությունների, գրքերի:

«Անձամբ ծանոթ լինելով պարոն Ազատյանին՝ վստահ եմ, որ գեղարվեստի ակադեմիայի համար սա կարող է որակական աշխատանքի նոր փուլ նշանակել»,- Կառավարությունում նրան ներկայացնելիս ասաց ԿԳՄՍ նախարար Ժաննա Անդրեասյանը:

Հայաստանի գեղարվեստի պետական ակադեմիան միակ հաստատությունն է, որտեղ հնարավոր է մասնագիտական մակարդակում արվեստ սովորել՝ իր ելույթում ասաց Վարդան Ազատյանը:

«Սա նշանակում է, որ գեղարվեստի պետական ակադեմիան հայ արվեստի, ապագայի գլխավոր երաշխավորն է ներկայում: Սա շատ բարձր ու կարևոր պատասխանատվություն է, և ես նույն մեծ պատասխանատվության զգացումով պատրաստ եմ ստանձնել այդ մեծ բովանդակության կենսագործումը: Սա նշանակում է գործնականում, որ մեր ակադեմիայում սովորող Էլենը, Ալիսան կամ Դավիթը վաղը պետք է լինեն Սարյանը, Ֆերմանյանը»,- ասաց նա և հավելեց, որ իր համար կարևոր է, որ ակադեմիան դառնա տարածաշրջանային և միջազգային արվեստի կրթության կենտրոն:

Կառավարությունը հաստատեց Վարդան Ազատյանին ռեկտոր նշանակելու որոշման նախագիծը: