ՄԱԿ-ի Գլխավոր վեհաժողովն ընդունել է Սրեբրենիցայում ցեղասպանության մասին բանաձևը

ՄԱԿ-ի Գլխավոր վեհաժողովը կողմ է քվեարկել Սրեբրենիցայի ցեղասպանության վերաբերյալ արևմտյան երկրների կողմից ներկայացված բանաձևի նախագծին, հայտնում է ՏԱՍՍ-ը։

«Սրեբրենիցայում 1995 թվականի ցեղասպանության շուտ մտորելու և հիշատակի միջազգային օր» վերտառությամբ փաստաթղթին կողմ է քվեարկել 84 երկիր, դեմ՝ 19-ը, այդ թվում՝ Ռուսաստանը և Չինաստանը, իսկ 68 երկիր ձեռնպահ է մնացել քվեարկությունից։

Գերմանիայի և Ռուանդայի կողմից պատրաստված փաստաթղթի համաձայն՝ հուլիսի 11-ը կհայտարարվի բոսնիական այս քաղաքումտեղի ունեցած ցեղասպանության զոհերի հիշատակի միջազգային օր։ Բացի այդ, առաջարկվում է կրթական ծրագրերում ներառել Սրեբրենիցայի ցեղասպանության վերաբերյալ դատարանի հաստատած փաստերը, հավելում է dw.com-ը:

Ողբերգությունից փրկվածները բանաձևը համարում են կարևոր խորհրդանշական ակտ, մինչդեռ Սերբիայում երեսուն տարի առաջ տեղի ունեցած ողբերգական իրադարձությունները չեն համարվում ցեղասպանություն և վախենում են սերբերի հավաքական դատապարտումից։

Սերբիայում վիճարկվում է, որ Սրեբրենիցայում տեղի ունեցածը ցեղասպանություն է: Սերբիայի խորհրդարանը 2010 թվականին դատապարտել է Սրեբրենիցայի ջարդերը՝ չօգտագործելով «ցեղասպանություն» տերմինը իր ձևակերպումներում։ ՄԱԿ-ի Գլխավոր վեհաժողովի ներկայիս բանաձևի նախագիծը Բելգրադում ընկալվում է որպես հարձակում Սերբիայի և սերբերի վրա՝ որպես ազգի, թեև դրանք ընդհանրապես նշված չեն փաստաթղթի տեքստում։