Իսրայելը կօգտագործի Ադրբեջանի ռազմաբազաներն Իրանի վրա հարձակում գործելու համար. The Sunday Times

Իրանական հրթիռները ոչնչացնելու նպատակով Իսրայելի զինված ուժերը դիտարկում են Ադրբեջանում գտնվող ռազմաբազայի անօդաչու սարքերը օգտագործելու հնարավորությունը: Այս մասին երկուշաբթի օրը հաղորդում է The Sunday Times-ը:

Պարբերականի տվյալներով՝ ռազմական հրամանատարությունը կարծում է, որ Իրանի հետ կոնֆլիկտի դեպքում անօդաչու սարքերը կարող են ոչնչացնել իրանական հրթիռները դեռևս նախքան Իսրայելի ուղղությամբ դրանց արձակման փորձ կատարելը:

«Մենք կփորձենք հրթիռները ոչնչացնել դրանց գործի դրվելուց քիչ առաջ, երբ կմիանան դրանց շարժիչները»,-հայտարարել է Իսրայելի ռազմական աղբյուրը:

Իսրայելն իր հերթին պարբերաբար ժխտում է լուրերն այն մասին, որ ինքը զինամթերքով բեռնված անօդաչու սարքեր ունի: Իսկ որոշ անկախ փորձագետներ գտնում են, որ Իսրայելն արդեն գործնականում կիրառել է նման անօդաչու ինքնաթիռներ. փոխանցում է Взгляд-ը:

Բրիտանական ԶԼՄ-ներն իրենց հերթին հայտնում են, որ Բաքուն և Թել Ավիվը հերքում են լուրերն այն մասին, թե Իսրայելի ռազմաօդային ուժերն օգտագործելու են Ադրբեջանի ռազմաբազաներն Իրանի վրա հարձակման նպատակով:

Ադրբեջանի ԱԳՆ-ն, մեկնաբանելով The Sunday Times-ի տեղեկությունները, հայտարարել է, թե չի պատրաստվում երկրի տարածքը տրամադրել որևէ պետության՝ հակաիրանական գործողություններ իրականացնելու նպատակով: