Ադրբեջանը կմասնակցի Թուրքիայում կայանալիք զորավարժություններին

Ադրբեջանական բանակի զինվորականները և ավիացիոն միջոցները մեկնել են Քոնյա (Թուրքիա)՝ մասնակցելու «Anatolian Phoenix-2024» միջազգային որոնողափրկարարական զորավարժություններին։

Ինչպես հայտնում են ադրրբեջանական լրատվամիջոցները, զորավարժություններին Ադրբեջանը կներկայացնեն ռազմաօդային և ռազմածովային ուժերի զինծառայողներ։ Զորավարժություններին, որոնք կտևեն մինչև մայիսի 17-ը, կներգրավվեն նաև Ադրբեջանի ռազմաօդային ուժերի 2 գրոհային Սու-25 ինքնաթիռ։