Ստամբուլում 210 ցուցարար է բերման ենթարկվել (տեսանյութ)
ԻրավունքՍտամբուլի ոստիկանությունը ձերբակալել է 210 մարդու, ովքեր փորձել են ներխուժել փակ Թաքսիմ հրապարակ և հարձակվել ոստիկանների վրա, X սոցիալական ցանցում հայտնել է Թուրքիայի ներքին գործերի նախարար Ալի Երլիքայան։
Չորեքշաբթի օրը հազարավոր ցուցարարներ հավաքվել էին Սարաչխանեի պուրակում՝ ծրագրելով քայլել դեպի Թաքսիմ հրապարակ՝ չնայած այնտեղ քաղաքական ցանկացած հանրահավաքի արգելքին: Սկսվել են բախումներ, ոստիկաններն արցունքաբեր գազ են կիրառել։
«Մայիսի 1-ին Ստամբուլում բերման է ենթարկվել 210 մարդ, ովքեր, չնայած նախազգուշացումներին, փորձել են գնալ Թաքսիմ հրապարակ և հարձակվել ոստիկանների վրա»,- գրել է Երլիքայան։
Ըստ DHA-ի՝ Ստամբուլում բախումների ժամանակ առնվազն 28 ոստիկան է վիրավորվել, որոնց վրա քարեր ու փայտեր են նետել։
Ամենադիտված 
Մնաս բարյավ. Րաֆֆի Հովհաննիսյան
