Չինաստանում ավտոճանապարհ է փլուզվել. 19 մարդ է զոհվել (տեսանյութ)

Չինաստանի Գուանդուն նահանգում՝ Մեյչժոու-Դաբու մայրուղու վրա, փլուզվել է ճանապարհը։ Ողբերգությունը տեղի է ունեցել մայիսի 1-ի գիշերը։ Արդյունքում՝ զոհվել է 19 մարդ, հայտնում է Xinhua-ն։

Փոսն է ընկել 18 ավտոմեքենա։ Արդյունքում՝ հրդեհ է բռնկվել։ Տուժել է 31 մարդ։ Նրանք տեղափոխվել են հիվանդանոցներ։ Սակայն տեղեկատվությունը նախնական է` զոհերի ստույգ թիվը դեռ պաշտոնապես չի հաղորդվում։

Միջադեպը տեղի է ունեցել տեղական ժամանակով գիշերը ժամը 2-ի սահմաններում։ Ականատեսների հրապարակած կադրերը ցույց են տալիս, որ դեպքի վայրում բռնկված հրդեհը ինտենսիվ է եղել։

«Առաջին անգամն էր, որ մահվանն այդքան մոտ էի զգում: Հեռավորությունը ընդամենը 100 մետր էր։ Պայթյուններ լսվեցին, չկարողացա զսպել լացս»,- պատմել է ականատեսներից մեկը։